Kapitujt

Dalja: 17. Uji që shpërthen nga qeta

¹ Mbarë bashkësia e bijve të Izraelit bëri çojën nga shkretëtira e Sinit, sipas urdhërit që Zoti u dha zemërimië më zemërimië dhe ngulë në Rafidim. Këtu nuk kishte ujë për të pirë populli. ² Populli i kundërshtoi Moisiut dhe i tha: “Na jep ujë të pimë”! Moisiu u përgjigj: “Përse grindeni me mua? Përse po e tundoni Zotin”? ³ Në këtë vend populli hoqi keq për ujë dhe nynykatte kundër Moisiut: “Përse na bëre të dalim prej Egjiptit për të na vrarë ne, fëmijët tanë dhe bagëtitë tona”? ⁴Moisiu iu drejtua Zotit me këto fjalë: “Çfarë të bëj me këtë popull? Edhe pak dhe do të më vrasin me gurë”. ⁵ Zoti i tha Moisiut: “Shko para popullit; merr me vete disa prej pleqve të Izraelit, merre në dorë shkopin, me të cilin e godite lumin dhe nisu! ⁶ Ja, unë do të qëndroj para teje përmbi qetën e Horebit. Ti bjeri shkëmbit e prej tij do të shpërthejë uji që populli të pijë”. Moisiu bëri ashtu ndër sy të pleqve të Izraelit.

⁷ Atë vend Moisiu e quajti: Masa dhe Meriba, për shkak të grindjes së bijve të Izraelit dhe pse e tunduan Zotin, kur thanë: “A është Zoti me ne apo nuk është”?

Luftimi kundër Amalekut

⁸ Atëherë erdhi Amaleku për të luftuar kundër Izraelit në Rafidim. ⁹ Moisiu i tha Jozuehit: “Zgjedhi disa burra dhe dil e lufto kundër Amalekut. Nesër unë do të qëndroj në majë të kodrës me shkopin e Hyjit në dorë”. ¹⁰ Jozuehi bëri siç i urdhëroi Moisiu dhe doli në luftë kundër Amalekut, kurse Moisiu, Aroni dhe Huri u ngjitën në majën e kodrës. ¹¹ Kur Moisiu i lartësonte duart, Izraeli ishte më i fortë; por kur i ulte, përparonte Amaleku. ¹² Porse Moisiut i ishin lodhur duart. Ata morën një gur, e vunë nën të, e Moisiu u ul në të; Aroni e Huri ia mbanin duart, njëri nga njëra e tjetri nga tjetra anë. Kështu duart e tija qëndruan lart deri në perëndim të diellit ¹³ e Jozuehi e mundi me teh të shpatës Amalekun dhe popullin e tij.

¹⁴ Atëherë Zoti i tha Moisiut: “Shkruaje këtë për kujtim në libër e shtjerja në vesh Jozuehit:

Unë do ta fshij plotësisht kujtimin e Amalekut nën qiell”!

¹⁵ E Moisiu e ndërtoi aty një lter dhe e quajti: Jahve Nisi /Zoti është flamuri im/ e tha:

¹⁶ “Një dorë u lartësua kundër fronit të Zotit:

Zoti do të luftojë kundër Amalekut

prej breznie në brezni”.

Kapitujt