Kapitujt

Jozuehu: 12. Mbretërit e mundur në lindje të Jordanit

¹ Këta janë mbretërit që bijtë e Izraelit i mundën dhe ua pushtuan tokën përtej Jordanit, në lindje të diellit, që nga përroi Arnon deri në malin Hermon dhe mbarë krahinën lindore të Arabës.

² Sehoni, mbreti i amorrenjve që banonte në Hesebon. Ai sundonte prej Aroerit, që është i ndërtuar në bregun e përroit Arnon, përmes fushës deri në gjysmën e Galaadit deri në përroin Jabok, i cili është kufi me bijtë e Amonit; ³ në lindje ishte Araba deri në detin e Keneretit e deri në Detin e Kripur në rrugë për krahinën e lindjes që shpie në Betiesimot e përtej në jug deri në rrëzë të Fazgës.

⁴ Me të kufizohej edhe Ogu, mbreti i Basanit, njëri prej rafaimëve të fundit. Banonte në Astarot e në Edrai. Sundonte malet e Hermonit, në Salekë e mbarë Basanin deri në kufijtë ⁵ e Gesurit e të Mahatit dhe gjysmën e Galaadit deri në kufi me Sehonin, mbretin e Hesebonit. ⁶ Moisiu, shërbëtori i Zotit, dhe izraelitët i kishin mundur. Tokën e tyre Moisiu ua dha për pronë rubenajve, gadajve dhe gjysmës së fisit të Manaseut.

Mbretërit e mundur në perëndim të Jordanit

⁷ Këta janë mbretërit e vendit që i mundi Jozuehu e bijtë e Izraelit, përtej Jordanit, në anën e perëndimit, prej Baalgadit në fushën e Libanit deri në Malin e Shogët që ngrihet drejt Seirit; këtë Jozuehu ua dha për pronë fiseve të Izraelit, secilit pjesën e vet, ⁸ në Malësi, në Sefelë, në Arabë, në rrafshnaltë, në shkretëtirë e në Nageb: Heteun, Amorreun, Kananeun, Ferezeun, Heveun e Jebuzeun:         ⁹ mbreti i Jerikut, një;     mbreti i Hajit, afër Betelit, një,

¹⁰ mbreti i Jerusalemit, një;          mbreti i Hebronit, një;    

¹¹ mbreti i Jerimotit, një;  mbreti i Lakisit, një;       

¹² mbreti i Eglonit, një;                mbreti i Gazerit, një;

¹³ mbreti i Dabirit, një;                 mbreti i Gaderit, një;

¹⁴ mbreti i Hermës, një;               mbreti i Heredit, një;

¹⁵ mbreti i Lebnës, një;                mbreti i Odulamit, një;

¹⁶ mbreti i Macedës, një;             mbreti i Betelit, një;

¹⁷ mbreti i Tapfuasë, një; mbreti i Oferit, një;        

¹⁸ mbreti i Afekut, një;                 mbreti i Saronit, një;

¹⁹ mbreti i Madonit, një;               mbreti i Azorit, një;        

²⁰ mbreti i Semeronit, një;           mbreti i Aksafit, një;      

²¹ mbreti i Tenakut, një;               mbreti i Magedos, një;

²² mbreti i Kadesit, një;               mbreti i Jeknaamit në Karmel, një;          

²³ mbreti i Dorit në krahinën e Dorit, një; mbreti i popujve të Galgalës, një;  

²⁴ mbreti i Tersës, një;

gjithsej mbretër: tridhjetë e një.

Kapitujt