Kapitujt

Jozuehu: 15. Fisi i Judës

¹ Shorti i fisit të bijve të Judës sipas vëllazërive, qe ky: në anën e kufirit të Edomit drejt shkretëtirës Sin, përballë Nagebit, deri në skajin e fundit të jugut. ² Kufiri i tyre i jugut shkonte nga maja e Detit të Kripur e prej gjiut të tij që ka në jug. ³ Del pastaj përballë përpjetës Akrabim, kalon në Sin dhe në mesditë ngjitet në Kadesbarne, mbërrin në Esron, ngjitet në Adas e kthen në Karkë. ⁴ Prej këndej duke përshkuar Asemonën, mbërrin te përroi i Egjiptit e del së fundi në Detin e Madh: ky është kufiri juaj i jugut. ⁵ Në lindje kufi është Deti i Kripur deri ku derdhet Jordani. Kufiri i veriut fillon nga gjiri i detit e derdhja e Jordanit. ⁶ Prej këtu kufiri ngjitej drejt Betaglës, vazhdon në veri të Betarabës, kapej te Guri Boen, të birit të Rubenit, ⁷ ngjitej në Dabir nga lugina Akor dhe bënte bërryl kundër veriut te Galiloti ‑ domethënë rrethet ‑, që janë përballë përpjetës Adomim, që është në jug të përroit, kalon ujërat që quhen Burimi i Diellit dhe mbaron te burimi Rogel. ⁸ Prej këndej ngjitej nëpër luginën Benenom, në anë të Jebuseut ‑ që është Jerusalemi ‑ në jug. Nga këtu ngjitej drejt e në majë të malit që është përballë luginës Enon në anën e perëndimit e në skajin e fundit të veriut të luginës së Rafaimit. ⁹ Kalon prej majës së malit deri te burimi i ujit Neftoja e mbërrin deri te fshatrat e malit Efron e zbret në Baalë, që është Kariatiarimi. ¹⁰ Prej Baalës kthen kundër perëndimit deri te mali Seir, kah veriu kalon përbri krahut të malit Jarim ‑ d. m. th. Keslonit ‑ dhe zbret në Betsames, kalon në Tamnë ¹¹ dhe mbërrin në anën veriore të Akaronit, zbret në Sekron dhe e kalon malin Baalë, mbërrin në Jebneel e merr fund në det. Kufiri perëndimor është Deti i Madh.

¹² Këta janë kufijtë rreth tokës së bijvet të Judës sipas vëllazërive të tija.

Bijtë e Kalebit e pushtojnë Hebronin

¹³ Kalebit, të birit Jefoneut i dha pjesë në mes të bijve të Judës, siç i urdhëroi Zoti Jozuehut në Kariatarbe /d. m. th. qyteti i Arbeut/, trungut të Enakut, e ky është Hebroni. ¹⁴ Kalebi i zhduku tre bijtë e Enakut: Sesain, Ahimanin e Tolmain, pasardhësit e Enakut. ¹⁵ Prej andej u ngjit kundër banorëve të Dabirit, që më parë quhej Kariatsefer /d. m. th. Qyteti i Letrarëve/. ¹⁶ Kalebi tha: “Kush ta godasë Kariatseferin e ta pushtojë, unë do t’i jap time bijë, Aksën, për grua.” ¹⁷ E pushtoi Otonieli, djali i Cenezit, të vëllait të Kalebit. Edhe Kalebi i dha vajzën e vet Aksën për grua. ¹⁸ Kjo, kur u martua, ia mbushi mendjen burrit të vet, t’i kërkojë t’et një arë. Ajo zbriti nga gomari e Kalebi e pyeti: “Çfarë ke”? ¹⁹ Atëherë ajo iu përgjigj: “Më beko! Ti më dhe Negebin e thatë, ma shto ndonjë tokë me ujë”. Atëherë Kalebi i dha Burimet e sipërme e të poshtme.

²⁰ Kjo qe toka e fisit të bijve të Judës sipas vëllazërive të tija.

Toponimet e vendbanimit të fisit të Judës

²¹ Qytetet në pronat skajore të bijve të Judës gjatë kufirit të Edomit në Nageb, ishin:

Kapseeli, Ederi e Jaguri, ²² Cina, Dimona e Adada, ²³ Kadesi, Asori, Jetnani, ²⁴ Zifi, Telemi, Baloti, ²⁵ Asorhadata, Karioti, Hesroni ‑ d. m. th. Asori ‑ ²⁶ Amami, Sama, Molada, ²⁷ Asergada, Hasemoni, Betfeleti, ²⁸ Asersuali, Bersabeeja, Baziotia, ²⁹ Baala, Jimi, Esemi, ³⁰ Eltoladi, Cezili e Harma, ³¹ Sicelegu, Medemena, Sensena, ³² Lebaoti, Selimi dhe Enremoni: gjithsej: njëzet e nëntë qytete me fshatrat e tyre.

³³ Kurse në Vërri:

Estaoli, Saraa, Asena, ³⁴ Zanoeja, Enganimi, Tapfua, Enaimi, ³⁵ Jerimoti, Adulami, Sokoja, Azeka, ³⁶ Saraimi, Aditaimi, Gedera, Gedero‑ taimi: katërmbëdhjetë qytete me fshatrat e tyre.

³⁷ Sanani, Hadasa, Magdalgadi, ³⁸ Deleani, Masfa, Jeceteli, ³⁹ Lakisi, Baskati, Egloni, ⁴⁰ Keboni, Lehemasi, Cetlisi, ⁴¹ Gideroti, Betdagoni, Naama, Maceda: gjashtëmbëdhjetë qytete me fshatrat e tyre:

⁴² Labana, Eteri, Asani, ⁴³ Jefta, Esna, Nesibi, ⁴⁴ Cejla, Akzibi, Maresa; nëntë qytete me fshatrat e tyre.

⁴⁵ Akaroni me qyteza e fshatra të tij. ⁴⁶ Prej Akaronit deri në det, gjithçka gjendet përbri Azotit me fshatrat e tij. ⁴⁷ Azoti me qyteza e me fshatra të tij, Gaza me qyteza e fshatra të saj deri në përroin e Egjiptit e në Detin e Madh, që është kufiri.

⁴⁸ Në Malësi:

Samiri, Jeteri, Sokoja, ⁴⁹ Dana, Kariatsena ‑ d. m. th. Dabiri, ⁵⁰ Anabi, Estemoja, Animi, ⁵¹ Goseni, Oloni, Giloja: njëmbëdhjetë qytete me fshatrat e tyre.

⁵² Arabi, Duma, Esaani, ⁵³ Janumi, Bettafua, Afeka, ⁵⁴ Amata, Kariatarbeja ‑d. m. th. Hebroni‑, Siori: nëntë qytete me fshatrat e tyre.

⁵⁵ Maoni, Karmeli, Zifi, Jota, ⁵⁶ Jezraeli, Jukadami, Zanoeja, ⁵⁷ Akaini, Gabaa, Tamna: dhjetë qytete me fshatrat e tyre.

⁵⁸ Halhuli, Betsuri, Gedori, ⁵⁹ Mareti, Betanoti, Eltekoni: gjashtë qytete me fshatrat e tyre.

Tekueja, Efrata, ‑d. m. th. Betlehemi‑, Fegori, Etami, Kuloni, Tatami, Soresi, Karemi, Galimi, Beteri, Manahati: njëmbëdhjetë qytete me fshatrat e tyre.

⁶⁰ Kariatbaali ‑ d. m. th. Kariatiarimi /Qyteti i Pyjeve/ ‑ dhe Areba: dy qytete me fshatrat e tyre.

⁶¹ Në Shkretëtirë:

Betaraba, Medini, Sakaka, ⁶² Nebsani, Qyteti Salis e Engadi: gjashtë qytete dhe fshatrat e tyre.

⁶³ Bijtë e Judës nuk mund i dëbuan jebusenjtë që jetonin në Jerusalem. Kështu jebusenjtë banojnë së bashku me bijtë e Judës në Jerusalem deri në ditën e sotme.

Kapitujt